बुडोल सामुदायिक साकोसको आयोजनामा भङ्गालमा वित्तीय साक्षरता शिविर सम्पन्न

प्रकाशित मिति : ८ चैत्र २०८०, बिहिबार

काभ्रे । ग्लोबल मनि विकको सन्दर्भमा साताव्यापी कार्यक्रम आयोजना गरेका बुडोल सामुदायिक बचत तथा ऋण सहकारी संस्थाले चौथो दिन बनेपा न.पा. वडा नं. १३, भङ्गालमा वित्तीय साक्षरता शिविर सम्पन्न गरेको छ ।
कार्यक्रममा २० जना स्थानीय सदस्यहरुको उपस्थिति रहेको थियो । कार्यक्रममा सदस्यहरुलाई पैसाको महत्व, व्यवस्थापन, पारिवारिक बजेट निर्माण तथा आम्दानी खर्चको लेखाजोखा राख्न र योजना अनुरुप खर्च व्यवस्थापन गर्न, साथै कस्ता सहकारीमा आफ्नो बचत सुरक्षित हुन्छन्, असल सहकारी कसरी पहिचान गर्ने, सहकारीको अवधारण, बचतको महत्व, पैसाको सुरक्षा लगायत बुडोल सामुदायिक साकोससंग सम्बन्धित विविध विषयमा संस्थाका बनेपा जनमैत्री सेवाकेन्द्र प्रमुख अशोक खत्रीले जानकारी गराउनुभएको थियो ।

कार्यक्रममा सदस्य सेवा शाखा प्रमुख अनिता थापा, संस्थाका कर्मचारीहरु सुशान्त दाहाल र कृष्णमणी सापकोटाको उपस्थिति रहेको थियो ।