“प्रधानमन्त्रीले संविधानमाथि ‘कू’ गरे”

प्रकाशित मिति : ५ पुस २०७७, आइतबार

काठमाडौं । संविधानविद डा. भीमार्जुन आचार्यले संसद विघटनको प्रस्ताव गरेर प्रधानमन्त्री केपी शर्मा ओलीले संविधानमाथि ‘कू’ गरेको बताएका छन् ।
गैरसंवैधानिक रुपमा संसद विघटन गर्दा निम्तिने संकटको जिम्मेवारी पनि प्रधानमन्त्री ओलीले नै लिनुपर्ने बताउँदै उनले भनेका छन् – ‘कुनै बाहाना गर्न सक्ने ठाउँ छैन, यो कदम नाजायज छ र संविधानमाथि कू हो, यसको संवैधानिक व्यवस्थामा निम्त्याउने संकटको जिम्मेवारी उहाँले लिनुपर्छ ।’
संविधानले कुनै बाहानामा संसद विघटनको अधिकार प्रधानमन्त्रीलाई नदिएको उनले बताए । २०४७ को संविधानले प्रधानमन्त्रीलाई संसद विघटन गर्ने अधिकार दिँदा ४ पटकसम्म त्यसको दुरुपयोग भएको स्मरण गर्दै उनले अहिलेको संविधान अनुसार प्रधानमन्त्रीलाई त्यो अधिकार नदिएको बताए ।