सामुदायिक साकोसको १४ औं सेवा केन्द्र बानेश्वरमा स्थापना

काठमाडौं । काभ्रेको पनौतीमा केन्द्रीय कार्यालय रहेको सामुदायिक बचत तथा ऋण सहकारी संस्थाले १४ औं सेवा केन्द्र काठमाडौंको नयाँ बानेश्वरमा स्थापना गरेको छ । संस्थाको यो काठमाडौंमा दोस्रो सेवा केन्द्र हो ।
शनिबार विशेष कार्यक्रमको बीच सेवा केन्द्रको उद्घाटन बागमती प्रदेश सहकारी रजिष्ट्रार बिक्रम पाण्डेयले गर्नुभएको हो । संस्थाका अध्यक्ष प्रकाश बञ्जाराको अध्यक्षतामा भएको सेवा केन्द्र उद्घाटन कार्यक्रममा नेफ्स्कूनका कोषाध्यक्ष दीपक पनेरु, बागमती प्रदेश सहकारी संघका अध्यक्ष रामशरण शर्मा घिमिरे, बागमती प्रदेश बचत तथा ऋण सहकारी संघका अध्यक्ष उद्धव सापकोटा लगायत सञ्चालक समिति, लेखा समिति, कर्मचारी र सदस्यहरुको उपस्थिती रहेको थियो ।
३ अर्ब २८ करोड कुल वासलात संस्थाको जगेडा कोषमा २३ करोड रहेको संस्थाका अध्यक्ष प्रकाश बन्जाराले बताउनुभयो । संस्थामा ४० हजार सदस्यको ३० करोड सेयर पुँजी रहेको छ ।
संस्थाले ५ वटा थप सेवा केन्द्र सञ्चालन गर्ने उद्देश्य रहेको समेत अध्यक्ष बञ्जाराले बताउनुभयो ।