बुडोल सामुदायिक साकोसको आयोजनामा निःशुल्क स्वास्थ्य शिविर सम्पन्न
काभ्रे । बुडोल सामुदायिक बचत तथा ऋण सहकारी संस्था लि. अन्तर्गत टुकुचा जागरण सवाकेन्द्र, नालाको आयोजना र संस्थाको महिला तथा सामाजिक साँस्कृतिक उपसमितिको संयोजनमा करुणामय मन्दिर परिसर नालामा सम्पन्न भएको छ ।
बनेपा हेल्थ केयर प्रा.लि.को प्राविधिक सहयोगमा आयोजित उक्त शिविरमा बनेपा नगरपालिका वडा नं. १, २, ३ र ४ मा बसोबास गर्ने नाला क्षेत्रका १३३ जनाले स्वास्थ्य परीक्षण गराउनु भएको जानकारी दिइएको छ ।
स्वास्थ्य शिविरमा स्त्रीरोग विशेषज्ञ, हाडजोर्नी तथा नसासम्बन्धि विशेषज्ञ र फिजिसियनहरुद्वारा स्वास्थ्य जाँच तथा परामर्शका साथै निशुल्क औषधि समेत वितरण गरिएको थियो । थप उपचार गर्नुपर्ने अवस्थाका बिरामीहरुलाई बनेपा हेल्थ केयरमा स्वास्थ्य परीक्षणमा २० प्रतिशत र औषधिमा १० प्रतिशत छुट दिने व्यवस्था समेत मिलाइएको संस्थाले जानकारी दिएको छ ।
संस्थाले सामाजिक उत्तरदायित्व वहन गर्दै विभिन्न सामाजिक क्रियाकलाप गर्दै आईरहेको छ ।
