सिन्धु विकास बैंकको १२ औं वार्षिकोत्सव

प्रकाशित मिति : १ आश्विन २०७८, शुक्रबार

काभ्रे । सिन्धु विकास बैंकले १२ औँ वार्षिकोत्सव मनाएको छ ।
सिन्धुपाल्चोकमा मुख्य कार्यालय तथा काभ्रेको बनेपामा कर्पोरेट कार्यालय रहेको सिन्धु विकास बैंकले १२ औँ वार्षिकोत्सवको अवसरमा विभिन्न कार्यक्रमको आयोजना गरेको छ ।

बैंकले वार्षिकोत्सवको अवसरमा भदौ २५ गते शुक्रबार बिहान ८ बजेदेखि ११ बजेसम्म रक्तदान कार्यक्रमको पनि आयोजना गरेको थियो ।
क्षेत्रिय स्तरमा वित्तीय सेवा दिईरहेको यस बैंकले झन्झटमुक्त सहज प्रकृयाबाट ग्राहकलाई सेवा पुर्याउने लक्ष्य लिएको बताएको छ । बैंकले ई-बैंकिगं अन्तर्गत बिभिन्न बैंकिगं सेवाहरु प्रदान गर्दै आएको छ । बैंकले ग्रामीण भेगमा खोलिएका लघुउद्यमहरुलाई ग्राह्यता दिएर कर्जा पनि प्रदान गर्दै आएको छ ।