बिन्धवासिनी साकोसको ‘बहुउद्देश्यीय भवन’ शिलान्यास

प्रकाशित मिति : १ माघ २०७७, बिहिबार

काभ्रे । अन्र्तराष्ट्रिय मापदण्ड पूरा गर्न सफल बिन्धवासिनी बचत तथा ऋण सहकारी संस्था लि. ले काभ्रेको व्यापारिक नगरी बनेपामा बहुउद्देश्यीय भवनको शिलान्यास सम्पन्न गरेको छ ।
जन्मेपश्चात मृत्यु पश्चात परिवारका सदस्यसम्म सहयोग गर्दै आर्थिक समृद्धिको अभियान चलाएको बिन्धवासिनी साकोसले निर्माण गर्न लागेको बहुउद्देश्यीय भवनमा सदस्यहरुले उत्पादन गरेका वस्तुहरुको भण्डारण, ग्रेडिङ, प्याकेजिङ, लेभलिङ गरी सदस्यहरुको हितमा प्रयोग हुने संस्थाका अध्यक्ष प्रदीप थापाले बताउनुभयो ।
बनेपा चारदोबाटो भित्रको ३१ आनामा दुई वटा भवन निर्माण हुने प्रमुख कार्यकारी अधिकृत के.बि. लामाले बताउनुभयो ।
१० करोड १० लाखको इस्टिमेट गरिएकोमा इविडिङ्गबाट ७ करोड ३८ लाखमा निर्माण व्यवसायीसँग सम्झौता गरिएको प्रमुख कार्यकारी अधिकृत लामाले बताउनुभयो । भवन १८ महिनामा निर्माण सम्पन्न गर्ने लक्ष्य राखिएको बताइएको छ ।