‘ताप्लेजुङको दोभान बजारमा आगलागी हुँदा ७९ घरपरिवार विस्थापित’

प्रकाशित मिति : १८ फाल्गुन २०७७, मंगलबार

ताप्लेजुङ । ताप्लेजुङको मेरिङदेन गाउँपालिका-३ र आठराई त्रिवेणी गाउँपालिकाको सङ्गमस्थल दोभान बजारमा आज बिहान भएको आगलागीबाट ७९ परिवार विस्थापित भएको छ ।
जिल्ला प्रहरी कार्यालय ताप्लेजुङका प्रमुख बालरनसिंह राणाका अनुसार आगलागीबाट ४७ घर जलेर नष्ट भएको छन् भने ७९ परिवार विस्थापित भएको छन् ।
आगलागीमा परेर लक्ष्मी बैंक शाखा कार्यालय, ग्लोबल आइएमी बैंकको शाखा कार्यालय र आइएमीको एउटा शाखा कार्यालय जलेर पूरै नष्ट भएको स्थानीयले मिडिया क्लब नेपाललाई जानकारी दिएका छन् ।
ताप्लेजुङ जिल्लाको दोस्रो ठूलो बजार दोभान हो । यस बजारमा १०० व्यापारिक घरहरू थिए ।