काभ्रे उद्योग वाणिज्य संघको सहकार्यमा २७० व्यवसायीले लगाए एस्ट्रोजेनेका खोप

प्रकाशित मिति : २ भाद्र २०७८, बुधबार

काभ्रे । काभ्रे उद्योग वाणिज्य संघ र बनेपा नगरपालिकाको सहकार्यमा संघमा आबद्ध २७० जना व्यवसायीले एस्ट्रोजेनेका जापनीज खोप लगाएका छन् ।
उद्योग वाणिज्य संघ काभ्रेले यस अघि पनि कोभिडसँग प्रत्यक्ष सरोकार राख्ने कार्यक्रमहरु गरिरहेको थियो । संघले व्यवसायीको हितमा कार्य गरिरहेको संघका महासचिव रविन्द्र वैदारले बताउनुभयो ।
व्यवसायीहरु सबै उपभोक्ताको प्रत्यक्ष रुपमा नजिक भएर व्यापार व्यवसाय गर्नुपर्ने वाध्यताले गर्दा खोप अनिवार्य रहेको र खोप लगाउनको लागि पहल गरेको उद्योग वाणिज्य संघ काभ्रेका अध्यक्ष राजेन्द्र पंछसेले बताउनुभयो ।
उद्योग वाणिज्य संग आवद्ध रहेका २००० भन्दा माथि सदस्य रहेका र पहिलो चरणमा बनेपा नगरपालिकाको सहकार्यमा २७० जनाले खोप लगाएका छन् ।
दोस्रो चरणबाट सबैलाई समेट्ने गरि सहकार्य र पहलमा गरिने महासचिव वैदारले बताउनुभयो ।