तेमाल अनलाइनका प्रधान सम्पादकमाथि दुव्र्यबहार गर्नेलाई कारवाही गर्न पत्रकार महासंघ काभ्रेको माग
काभ्रे । नेपाल पत्रकार महासंघ काभ्रे शाखाले तेमाल अनलाइनका प्रधान सम्पादक डिलबहादुर थोकर (ग्याम्जो) माथि भएको दुव्र्यवहारको विरोध गरेको छ । शाखाका सचिव कपिल कोइरालाले एक प्रेस विज्ञप्ति जारी गर्दै दोषी माथि कार्वाहीको समेत माग गरेका छन् ।
पत्रकार डिलबहादुर थोकर (ग्याम्जो) समाचार संकलनका क्रममा काभ्रे जिल्लाको भुम्लु गाउँपालिका कार्यालयमा पुगेर फर्कने क्रममा गाउँपालिका कार्यालय नजिकै रहेका अराजक समूहले दुव्र्यबहार गरेको थियो । ‘टेण्डरको फर्म हामीलाई नसोधी किन लिएको’ भन्दै कपोलकल्पित कुरा गरेर उहाँ माथि अभद्र व्यबहार गर्दै उक्त अराजक टोलीले मोटरसाइकलको चावी खोसेर लगेको र पछि पत्रकार भन्ने थाहा पाएपछि फिर्ता गरेको बताइएको छ ।
