बाढीले बनेपाको पुलबजार वर्षेनी डुबानमा, नियन्त्रणका लागि बनेनन् ‘दीर्घकालीन योजना’

प्रकाशित मिति : २१ भाद्र २०७८, सोमबार

काभ्रे । आइतबार रातिदेखिको अविरल वर्षाका कारण पुण्यमाता खोलामा ठुलो बाढी आएको छ । जसका कारण बनेपाको पुलबजार क्षेत्र डुबानमा परेको छ । डुबानका कारण केही समय अरनिको राजमार्गमा यातायात सञ्चालनसमेत अवरुद्ध भएको थियो ।
पुलबजार क्षेत्रमा रहेका घरका पहिलो तल्ला डुबेका छन् । केही साना सवारीसाधन समेत डुबेको प्रहरीले जनाएको छ । वर्षाका कारण जिल्लाका अन्य खोलामा पनि पानीको सतह बढेको छ ।
स्थानीय तहले पनि बाढी नियन्त्रणका लागि दीर्घकालीन योजना बनाउन सकेको छैन ।
बनेपा पुलबजार क्षेत्रको बाढी नियन्त्रण हुनका लागि पुण्यमाता करीडोर निर्माण हुनुपर्ने जानकारहरु बताउँछन् । तर स्थानीयको अवरोधकै कारण उक्त करोडोरले गति लिन सकेको छैन ।