अखिल (क्रान्तिकारी) काभ्रेको जिल्ला अध्यक्षमा विजय लामा र उपाध्यक्षमा निर्मला गौतम

प्रकाशित मिति : २८ भाद्र २०७८, सोमबार

काभ्रे । माओवादी केन्द्र निकट विद्यार्थी संगठन अखिल क्रान्तिकारीको २० औं जिल्ला सम्मेलन बनेपामा सम्पन्न भएको छ । आइतबार सम्पन्न सम्मेलनले विजय लामालाई अध्यक्षमा निर्वाचित गरेको छ ।
सम्मेलनले उपाध्यक्षहरुमा निर्मला गौतम, विश्वनाथ अधिकारी, सिर्जना दोङ, दिर्जा लामा, उर्मिला लामा, सचिवमा विवस लामा, सह-सचिवमा रचना शर्मा तिमल्सिना, कोषाध्यक्षमा विकास लामा लाई निर्वाचित गरेको छ । बिजय लामाको अध्यक्षतामा ७५ सदस्यीय जिल्ला कमिटी घोषणा भएको छ ।
जिल्ला अध्यक्ष युवराज लामाको अध्यक्षतामा भएको कार्यक्रममा अखिल क्रान्तिकारीका केन्द्रिय अध्यक्ष रञ्जित तामाङको प्रमुख आतिथ्यतामा रहेको थियोे, पाटि जिल्ला इन्चार्ज सूर्यमान दोङ, जिल्ला संयोजक रुकु चौंलागाईं, प्रदेश कमिटि सचिवालय सदस्य दिननाथ गौतम, प्रदेश कमिटी सदस्य रत्न ढकाल लगाएतको उपस्थिति रहेको थियो ।